Kalyan News: हुंड्याच्या छळामुळे कल्याणमध्ये आत्महत्या
Kalyan News कल्याण: भुसावळ तालुक्यातील जागृतीच्या आयुष्याचा दुर्दैवी शेवट झाला आहे. जागृतीचे एप्रिल महिन्यात जळगावमधील सागर पारीख याच्यासोबत लग्न झाले होते. सागर पारीख हा मुंबई पोलीस दलात कॉन्स्टेबल होता. लग्नाच्या वेळी जागृतीच्या आई-वडिलांनी सागरासाठी सोन्याची चैन व सोन्याची अंगठी केली होती. परंतु, हे सर्व करूनही सागर व त्याची आई जागृतीला हुंड्याच्या बाबतीत टोमणे मारत असत.
सागर आणि त्याच्या आईने जागृतीला शारीरिक व मानसिक छळाची परिसीमा गाठली होती. सागर तिच्या दिसण्यावरून टोमणे मारत असे, “तुझे ओठ खूप मोठे आहेत, तुझे डोळे खूप छोटे आहेत,” असे म्हणत असे. तसेच, सासू हुंडा कमी भेटल्याने नेहमीच तिला टोमणे द्यायची. या सततच्या मानसिक छळामुळे कंटाळून, जागृतीने सासू घरातून बाहेर गेली असता कल्याणच्या राहत्या घरात गळफास घेऊन आत्महत्या केली.
हुंड्याची प्रथा अजूनही थांबली नाही Kalyan News:
2024 मध्येही आपल्याला हुंड्याच्या प्रथेमुळे अशा दुःखद घटना पाहाव्या लागत आहेत. हुंडा प्रथेमुळे कित्येक विवाह मोडतात आणि मुलींना मानसिक छळ सहन करावा लागतो. जागृतीच्या आत्महत्येने पुन्हा एकदा या प्रथेविरुद्ध आवाज उठवण्याची गरज अधोरेखित केली आहे.
हे प्रकरण समोर आल्यानंतर समाजात संतापाचे वातावरण आहे. हुंड्याच्या प्रथेला आळा घालण्यासाठी कठोर पावले उचलणे आवश्यक आहे, असे अनेक सामाजिक कार्यकर्ते सांगत आहेत.
पाहा बातमी व्हिडिओ द्वारे:
View this post on Instagram
Kalyan News: समाजाला आवाहन
आता समाजाला हुंड्याच्या प्रथेविरुद्ध ठाम भूमिका घ्यावी लागेल. प्रत्येकाने आपल्या घरात आणि समाजात हुंडा प्रथेविरुद्ध जागृती निर्माण करणे आवश्यक आहे. असे प्रकार थांबवण्यासाठी सर्वांनी एकत्र येऊन प्रयत्न करणे गरजेचे आहे.
या दुर्दैवी घटनेने एकदा पुन्हा सिद्ध केले आहे की, सामाजिक बदलांसाठी आपण सर्वांनी एकत्र येऊन काम करणे आवश्यक आहे. हुंड्याच्या प्रथेला पूर्णतः बंद करण्यासाठी कठोर कायदे आणि समाजाची मानसिकता बदलण्याची गरज आहे.
आणखी पाहा: Shivneri Bus Incident: कॉफीचा कप आणि ८० तास बेशुध्द: शैलेंद्र साठे यांची कहाणी
