पैठणीच्या खेळात वहिनी स्टेजवरच भिडल्या; भांडणाचा VIDEO पाहून पोट धरुन हसाल
Funny Fight: स्त्रिया कुठे आणि कशावरून भांडतील हे सांगता येत नाही, असं नेटकरी म्हणतात. याचं कारण म्हणजे सध्या एका व्हायरल व्हिडिओमध्ये पैठणी जिंकण्यासाठी दोन वहिनी एकमेकींना भिडलेल्या दिसत आहेत. हा व्हिडीओ पाहून तुम्ही नक्कीच हसून पोट धराल.
Funny Fight: पैठणीच्या खेळात दोन वहिनी भिडल्या
साडी म्हणजे तमाम महिलावर्गाचा वीक पॉईंट. साडी खरेदीच काय, पण त्याच्या विंडो शॉपिंगमध्येही महिलांचा तास-तासभर वेळ जातो. आवडीचा रंग, डिझाईन आणि त्यावर मॅचिंग अॅक्सेसरीज मिळाल्या की, कळी खुललीच म्हणून समजा. मात्र, याच साडीसाठी स्पर्धा लागली, तर ती जिंकण्यासाठी महिला काय करतील याचा नेम नाही. असाच एक व्हिडीओ सध्या व्हायरल होत आहे. हा व्हिडीओ पाहून तुम्हीही पोट धरून हसाल.
Funny Fight: पैठणी जिंकण्यासाठी झालेली कुस्ती
या व्हिडीओमध्ये तुम्ही पाहू शकता की, दोन्ही वहिनी एकमेकींना हरवण्याचा प्रयत्न करीत आहेत. पैठणीच्या या खेळात दोघींच्या हातात एक-एक फुगा दिला आहे. जिचा फुगा शेवटपर्यंत न फुटता राहणार, तिला पैठणी मिळणार, असा हा खेळ आहे. त्यामुळे दोघीही एकमेकींना हरविण्याचा प्रयत्न करतात. आपला फुगा वाचविण्यासाठी आणि समोरच्या महिलेचा फुगा फोडण्यासाठी दोघींमध्ये चांगलीच कुस्ती रंगते. साडीच्या विषयामुळे दोघीही एकमेकींवर तुटून पडतात.
Funny Fight: हसवणारा व्हिडीओ
View this post on Instagram
शेवटी दोघीही खाली पडतात आणि मग एक वहिनी दुसऱ्या वहिनीचा फुगा फोडण्यात यशस्वी होते. त्या एवढ्यावरच थांबत नाहीत, तर जिंकल्यानंतर त्या स्टेजवरच नाचू लागतात. अक्षरशः कुस्ती रंगल्यासारखा हा खेळ झाला. @krantimalegaokar नावाच्या ट्विटर अकाऊंटवरून शेअर करण्यात आलेला हा व्हिडीओ सध्या मोठ्या प्रमाणात व्हायरल होत आहे.
FUNNY Fight नेटकऱ्यांच्या प्रतिक्रिया
या व्हिडीओवर अनेक जण वेगवेगळ्या प्रतिक्रिया देत आहेत. काहींनी हा व्हिडीओ मजेशीर असल्याचं म्हटलं आहे. एका नेटकऱ्यानं म्हटलं आहे, “ओ स्त्री है साडी के लिये कुछ भी कर सकती है.” तर आणखी एकाने, या व्हिडीओमुळे पुन्हा एकदा महिलांचं साडीवरील प्रेम दिसून आल्याचं म्हटलं आहे.
🔗आणखी पाहा: Viral: लढाई हारली आणि लग्नाची मागणी फेटाळली: MMA फायटर लुकास बुकोवाझचा दुहेरी धक्का
