Accident viral video: कंपनीच्या गेटजवळ तरुणावर काळाचा घात; कोल्हापुरात थरकाप उडवणाऱ्या अपघाताचा व्हिडीओ व्हायरल
Accident viral video: हिट अँड रनची घटना; सोशल मीडियावर व्हिडीओने उडवला धुमाकूळ
कोल्हापूर: गेल्या काही दिवसांत देशभरात हिट अँड रन प्रकरणांची वाढती संख्या चिंता निर्माण करणारी ठरली आहे. अशाच एका भयानक अपघाताची घटना कोल्हापूरमध्ये घडली असून, या घटनेचा व्हिडीओ Accident viral video सोशल मीडियावर जोरदार व्हायरल होत आहे. हा व्हिडीओ मन सुन्न करणारा असून, तो पाहणाऱ्यांच्या अंगावर काटा उभा राहतो.
कामावर जात असताना भरधाव कारने दिली धडक
कोल्हापूरमधील उचगाव रोडवर घडलेल्या या घटनेने परिसरातील लोकांमध्ये खळबळ उडवून दिली आहे. घाडगे पाटील इंडस्ट्रीज कंपनीबाहेर रात्रीच्या वेळी एका तरुणावर काळाने घाला घातला. कंपनीत कामावर जात असताना, गेटजवळ पोहोचताच एका पांढऱ्या रंगाच्या भरधाव कारने या तरुणाला मागून धडक दिली. ही धडक इतकी जोरदार होती की, तरुण थेट हवेत उडाला आणि काही क्षणांतच त्याचा भयंकर अपघात झाला.
सीसीटीव्ही फुटेजमध्ये कैद झालेली घटना
हा संपूर्ण अपघात सीसीटीव्ही कॅमेऱ्यात कैद झाला असून, त्यानंतर हे प्रकरण उघडकीस आले आहे. गांधीनगर पोलिसांनी या घटनेचा तपास सुरू केला असून, अज्ञात कारचालकाविरुद्ध गुन्हा दाखल करण्यात आला आहे. या अपघातातील तरुणाच्या प्रकृतीविषयी मात्र अजून कोणतीही ठोस माहिती समोर आलेली नाही.
Accident viral video सोशल मीडियावर व्हिडीओ व्हायरल
दररोज सोशल मीडियावर अपघातांचे अनेक व्हिडीओ शेअर केले जातात. मात्र, हा व्हिडीओ पाहून नेटकऱ्यांच्या अंगावर काटा उभा राहिला आहे. @Diwakar_singh31 या एक्स अकाउंटवरून शेअर करण्यात आलेल्या या व्हिडीओला लोकांनी मोठ्या प्रमाणात पाहिले असून, तो जोरदार व्हायरल झाला आहे. अशा घटनांना आळा घालण्यासाठी आणि अपघात टाळण्यासाठी प्रत्येकाने सावधगिरी बाळगणे गरजेचे आहे.
पाहा हा व्हिडीओ:
महाराष्ट्र के कोल्हापुर में तेज रफ्तार कार ने एक शख्स को उड़ाया। इस हादसे में शख्स बुरी तरह से जख्मी। कार चालक फरार। @KOLHAPUR_POLICE @DGPMaharashtra @Kolhapur @RoadsOfMumbai pic.twitter.com/YjUAm0GSIN
— Diwakar Singh (@Diwakar_singh31) August 31, 2024
