Kisan Samman Nidhi:बापरे! शेतकरी सन्मान योजनेच्या नावाखाली होत आहे ‘ही’ फसवणूक, जाणून घ्या काय काळजी घ्यावी?
Kisan Samman Nidhi: पंतप्रधान शेतकरी सन्मान निधीच्या माध्यमातून शेतकऱ्यांना आर्थिक मदत पुरवली जाते. मात्र, या योजनेच्या नावाखाली फसवणुकीचे प्रकार समोर येत आहेत.
पंतप्रधान शेतकरी सन्मान निधी योजनेची माहिती
PM Kisan Scheme: केंद्र सरकारच्या पंतप्रधान शेतकरी सन्मान निधी योजनेद्वारे शेतकऱ्यांना आर्थिक सहाय्य दिले जाते. पात्र शेतकऱ्यांना वर्षाला सहा हजार रुपये देण्यात येतात, जी रक्कम प्रत्येक चार महिन्यांनी तीन हफ्त्यांत दिली जाते. परंतु, या योजनेच्या नावाखाली शेतकऱ्यांची फसवणूक होत असल्याचे प्रकार उघड झाले आहेत.
फसवणुकीचे प्रकार आणि काळजी
गेल्या काही दिवसांपासून समाजमाध्यमांवर पीएम शेतकरी सन्मान योजनेच्या नावाखाली एक एपीके लिंक व्हायरल होत आहे. या लिंकवर क्लीक केल्यावर शेतकऱ्यांची फसवणूक होत आहे. पोलिसांनी शेतकऱ्यांना अशा कोणत्याही लिंकवर क्लीक न करण्याचे आवाहन केले आहे. अन्यथा, आर्थिक भुर्दंड भरावा लागू शकतो.
आणखी वाचा :Mukhyamantri Vayoshri Yojana 2024 | काय आहे मुख्यमंत्री वयोश्री योजना? कसा घ्याल योजनेचा लाभ?
शेतकऱ्यांनी फसवणुकीपासून वाचण्यासाठी खालील गोष्टींची काळजी घ्यावी:
– अशा कोणत्याही अविश्वसनीय लिंकवर क्लीक करू नये.
– फसवणूक झाल्यास त्वरित 1930 या हेल्पलाईन नंबरवर कॉल करावा.
– तक्रार दाखल करण्यासाठी cybercrime.gov.in या संकेतस्थळाचा वापर करावा.
अधिकृत संकेतस्थळ आणि वापर
तुम्हाला पंतप्रधान शेतकरी सन्मान निधी योजनेचा लाभ घ्यायचा असेल तर https://pmkisan.gov.in/ या अधिकृत संकेतस्थळाचा वापर करावा. तसेच, गुगल प्ले स्टोअरवर जाऊन या योजनेचे अॅप्लिकेशन डाऊनलोड करू शकता.शेतकऱ्यांनी आपली माहिती फसवणुकीपासून सुरक्षित ठेवावी आणि अधिकृत स्त्रोतांद्वारेच माहिती घ्यावी. त्यामुळेच या प्रकारच्या फसवणुकीपासून बचाव करता येईल.
