RBI New Rule: मोठा बदल! नागरिकांना मिळणार दिलासा, जाणून घ्या नव्या नियमावलीबद्दल
RBI New Rule
RBI New Rule: एक महत्वाची बातमी समोर आली आहे. भारतीय रिझर्व्ह बँक (RBI) ने नागरिकांना दिलासा देणारा नवा निर्णय घेतला आहे. सतत नियमांमध्ये बदल करत राहणाऱ्या RBI ने यावेळी नॉन-बँकिंग वित्तीय कंपन्यांसाठी (NBFC) एक नवा नियम लागू केला आहे, ज्याचा थेट फायदा ठेवीदारांना होणार आहे.
नवीन नियमानुसार, आपत्कालीन परिस्थितीत जर तुम्हाला आपल्या रकमेचा त्वरित वापर करायचा असेल, तर तीन महिन्यांच्या आत मुदतपूर्वक पैसे काढणाऱ्यांसाठी NBFC ला 100% रक्कम परत करावी लागणार आहे. मात्र, अशा परिस्थितीत ठेवीदारांना कोणतेही व्याज मिळणार नाही. हा नवा नियम 1 जानेवारी 2025 पासून लागू होणार आहे.
व्याजाचा फायदा कधी मिळणार नाही?
RBI New Rule नुसार, जर ठेवीदाराला काही गंभीर आजाराच्या परिस्थितीत त्वरित रक्कम काढायची असेल, तर त्यासाठी ठेवीदाराने वैद्यकीय अहवाल दाखवणे आवश्यक आहे. अशा आणीबाणीच्या स्थितीत, तुम्हाला तुमची संपूर्ण रक्कम तीन महिन्यांच्या आत काढता येईल, मात्र त्यावर तुम्हाला कोणतेही व्याज मिळणार नाही.
आणीबाणीच्या वेळी काय करावे?
नैसर्गिक आपत्ती, वैद्यकीय गरजा किंवा इतर कोणत्याही आणीबाणीच्या स्थितीत, जर तुम्हाला तुमची रक्कम लवकर काढावी लागली, तर तुमच्यासाठी हा नियम लागू होईल. मात्र, जर आणीबाणी नसताना तीन महिन्यांच्या आत रक्कम काढली, तर कोणतेही व्याज दिले जाणार नाही. तसेच, रकमेच्या 50% पेक्षा जास्त किंवा 5 लाख रुपये, जे कमी असेल, ती रक्कम मुदतपूर्वक भरता येणार नाही.
ठेवीदारांसाठी नवीन सूचना
आरबीआयच्या या नव्या नियमावलीमध्ये आणखी एक महत्त्वाचा बदल करण्यात आला आहे. आता NBFC ला मॅच्युरिटीबद्दल ठेवीदारांना 14 दिवस अगोदर माहिती द्यावी लागेल. सध्याच्या नियमानुसार, हा कालावधी दोन महिन्यांचा होता, जो आता कमी करण्यात आला आहे.
RBI च्या या नव्या निर्णयामुळे ठेवीदारांना आपत्कालीन परिस्थितीत त्यांच्या रकमेचा वापर करण्याची मोठी सुविधा मिळणार आहे. मात्र, या नियमांचा लाभ घेताना व्याजाच्या नियमांची योग्य माहिती करून घेणे गरजेचे आहे.
🔗आणखी पाहा: Mukesh Ambani आणि Gautam Adani: मुकेश अंबानी पुन्हा आघाडीवर, गौतम अदानी यांना धक्का, या यादीत मोठे बदल
