शाळेत विद्यार्थिनींना या कारणामुळे निर्वस्त्र केल्याचा धक्कादायक प्रकार; पालक संतप्त
Shocking News: एका सरकारी शाळेत वर्गात मोबाईल आणल्याच्या आरोपावरून शिक्षिकेने पाच विद्यार्थिनींना निर्वस्त्र केल्याची संतापजनक घटना समोर आली आहे. या घटनेनंतर विद्यार्थिनींच्या पालकांनी शिक्षिकेविरोधात पोलिसांत तक्रार दाखल केली आहे. या घटनेमुळे शाळा आणि समाजात खळबळ माजली आहे.
शिक्षिकेचा अनुचित वागणूक
मध्य प्रदेशातील इंदौरच्या शारदा गर्ल्स हायस्कूलमध्ये हा प्रकार घडला. हिंदुस्तान टाईम्सच्या वृत्तानुसार, २ ऑगस्ट रोजी वर्ग चालू असताना अचानक मोबाईलची बेल वाजली. शिक्षिकेने मोबाईल कोणाकडे आहे हे विचारले, परंतु विद्यार्थिनींनी उत्तर न दिल्याने, शिक्षिकेने पाच विद्यार्थिनींना बाथरूममध्ये नेऊन त्यांना कपडे काढण्यास सांगितले आणि तपासणी केली.
पालकांचा संताप आणि तक्रार
विद्यार्थिनींनी हा प्रकार आपल्या पालकांना सांगितला, त्यानंतर पालकांनी तातडीने पोलीस ठाण्यात जाऊन तक्रार दाखल केली. तपासणी करताना विद्यार्थिनींना मारहाण केल्याचा आरोपही पालकांनी केला आहे.
हे ही वाचा: Train shocking video:हद्द झाली! ट्रेनमध्ये एका सीटसाठी महिलेने ओलांडली मर्यादा; VIDEO पाहून संतापले लोक
शिक्षिकेची बदली
या घटनेनंतर शाळेच्या प्राचार्यांनी शिक्षिकेची बदली करण्यात आल्याची माहिती दिली. तसेच, इंदौरचे जिल्हाधिकारी यांनी सांगितले की, विद्यार्थिनींच्या पालकांनी तक्रार दाखल केल्यानंतर शिक्षिकेविरुद्ध कारवाई करण्यात आली आहे आणि शिक्षण विभागाद्वारे या प्रकरणाचा तपास सुरु आहे. याशिवाय, इंदौर पोलीसदेखील या प्रकरणाची चौकशी करत आहेत.
सामाजिक प्रतिक्रिया
हा धक्कादायक प्रकार समोर आल्यानंतर समाजात आणि शाळेत खळबळ माजली आहे. शाळांमधील अशा प्रकारांच्या घटनांवर कठोर कारवाई करण्याची मागणी होत आहे.
Shocking News: विद्यार्थिनींच्या सुरक्षिततेसाठी शाळांमध्ये कडक नियमांची अंमलबजावणी करणे अत्यावश्यक आहे. पालकांनी आणि समाजानेही अशा घटनांकडे तातडीने लक्ष दिले पाहिजे आणि योग्य ती कारवाई केली पाहिजे.
आणखी वाचा: Shocking video: शेताच्या बांधावर भावकीचे वाद, व्हिडीओ सोशल मीडियावर व्हायरल
