Vastushastra Pitra Dosha: पितृपक्ष 2024: पितरांच्या तसबीरी कुठे लावाव्यात? योग्य दिशा ठरवा आणि वास्तुदोष टाळा!
पितृपक्ष Vastushastra Pitra Dosha हा आपल्या पूर्वजांना आदरपूर्वक स्मरण करण्याचा काळ आहे. या काळात आपल्या पितरांच्या तसबीरींना हार घालून त्यांचा सन्मान केला जातो. पण तसबीरींची दिशा योग्य नसेल तर वास्तुदोष निर्माण होऊ शकतो, असे वास्तुशास्त्र सांगते. घरामध्ये पितरांचे फोटो लावताना काही गोष्टी लक्षात ठेवणे महत्त्वाचे आहे.
आणखी पाहा : Vastu Shastra Remedies: लग्नाला विलंब, प्रगतीत अडथळे? घरातील ‘या’ वस्तू जबाबदार तर नाहीत ना?
पितरांच्या तसबीरी लावण्याची योग्य पद्धत
वास्तुशास्त्रानुसार पितरांचे फोटो घराच्या भिंतीवर खिळ्याला लटकवून न ठेवता, एखाद्या टेबलावर भिंतीला टेकवून ठेवायला हवे. यामुळे त्या जागेचा पावित्र्य टिकवले जाते. तसेच, फोटो कोणत्या खोलीत किंवा जागेवर लावावे याबाबत काही नियम पाळावेत.
पितरांचे फोटो कुठे लावू नयेत?
1.बेडरूम आणि किचन: घरातील खाजगी जागा जसे की बेडरूम आणि किचनमध्ये पितरांचे फोटो लावू नयेत. यामुळे घरातील तणाव आणि आर्थिक नुकसान वाढण्याची शक्यता असते.
2. देवघराजवळ फोटो लावणे टाळा: देवघराजवळ पितरांचे फोटो लावणे योग्य नाही. पितरांचे फोटो देवघरापासून थोड्या अंतरावर ठेवणे उचित मानले जाते.
3. समूहातील फोटो टाळा: गेलेल्या व्यक्तींच्या समूहातील फोटो भिंतीवर लावू नयेत. अशा फोटोंमुळे आठवणी जाग्या होऊन नैराश्य आणि नकारात्मक भावना निर्माण होऊ शकतात. पितरांचे स्वतंत्र फोटो लावणे चांगले असते.
पितरांचे फोटो नेमके कुठे लावावेत?
वास्तुशास्त्रानुसार घराच्या *उत्तर दिशेला* पितरांचे फोटो लावणे शुभ मानले जाते. असे केल्याने घरातील अडचणी कमी होतात आणि अकाली मृत्यूची भीतीही दूर होते. पितरांच्या तसबीरी उत्तर दिशेला लावल्याने त्यांची नजर दक्षिण दिशेला राहते, ज्यामुळे त्यांच्या यमलोकात जाण्याचा मार्ग सुरू होतो, अशी श्रद्धा आहे.
वास्तुदोष टाळण्यासाठी या नियमांचे पालन करा
पितरांची पूजा, त्यांचे स्मरण हे कुटुंबाच्या सुखसमृद्धीसाठी आवश्यक आहे, पण तसबीरी योग्य दिशेत लावणेही तितकेच महत्त्वाचे आहे. त्यामुळे पितरांचे फोटो योग्य दिशेत लावून, त्यांच्या आशीर्वादाने वास्तुदोष टाळा आणि जीवनातील संकटांपासून मुक्तता मिळवा.
